Ky është momenti tronditës kur një burrë në SHBA u sulmua nga një ari në verandën e shtëpisë së tij.
Sipas medieve të huaja, përcjell Telegrafi, Walter Hickox u kafshua dhe gërvishtur derisa po luftonte me grabitqarin në shtëpinë e tij në Daytona Beach të Florida-s.
I gjithë incidenti kishte ndodhur të mërkurën mbrëma.
Pamjet nga kamerat e sigurisë tregojnë se si Hickox po vraponte me shpejtësi për ta shtyrë ariun jashtë, pasi kafsha po vraponte drejt qenit.
Për të mbrojtur gruan dhe qentë e tij nga ky ari, amerikani vendosi një stol në mënyrë që ta bllokonte derën. /Telegrafi/
