Indiani kohët e fundit “ngriti shumë pluhur” në vendin e tij pasi ndihmoi një grua me të cilën ishte martuar për shtatë vjet për t’u martuar me një burrë me të cilin ajo kishte një lidhje prej vitesh.
Uttam Mandal dhe Sapna Kumari nga Bhagalpur u martuan në vitin 2014 dhe janë prindër të dy fëmijëve. Ata ishin të lumtur së bashku për një kohë, por në një moment Sepna ra në dashuri me kushëririn e Uttman, një burrë më të ri që i vizitonte herë pas here.
Sapna filloi një lidhje me të, dhe Uttam mësoi për këtë dhe ata debatuan për atë shumë herë, por kur ai pa që ajo nuk mund ta kapërcente atë, ai vendosi të tërhiqej dhe ta ndihmonte atë të martohej me të, transmeton Telegrafi.
“Unë isha i zemëruar dhe i trishtuar kështu që vendosa të gjej një zgjidhje”, i tha Mandal ETV Bharat. “Jeta e tre njerëzve do të ishte shkatërruar nëse nuk do ta kisha bërë atë. Ishte e vetmja zgjidhje dhe tani të gjithë mund të jemi të lumtur”, shtoi ai.
Me kalimin e viteve, prindërit e Sapnës u përpoqën ta bindnin atë që të qëndronte e martuar me të në mënyrë që të mos shkatërronte familjen, por përpjekjet e tyre ishin të kota. Përfundimisht, Uttam i bindi ata që të vinin në dasmën e saj me të dashurin Raju Kumar.
Nuk dihet nëse çifti u divorcua para ceremonisë së re, por sipas mediave indiane, fëmijët qëndruan me të, pasi ajo thuhet se nuk pranoi t’i merrte me vete. /Telegrafi/