Një 34 vjeçar, shtetas i Maqedonisë, ka tentuar që në mënyrë ilegale nga Turqia për në Greqi, t’i fus katër persona migrantë nga Bangladeshi, të fshehur në rimorkion e maunes (kamion), por pas kontrollit në kufirin grek, policia greke i ka zbuluar migrantët.
Siç informon korrespodentja e AIM-së nga Athina, incidenti ka ndodhur në zonën kufitare Kipi, Greqinë verilindore, në orët e mëngjesit, ditën e martë, ndërsa shtetasi i Maqedonisë është burgosur.
“Më konkretisht, personi i cili ka drejtuar maunen me rimorkio ka arritur në pikën kufitare ekipi që të hy brenda në Greqi. Atje, gjatë bërjes së kontrollit nga ana e policisë me ndihmën e zyrtarëve të doganave, është vërejtur se 34 vjeçari në mënyrë ilegale ka transportuar katër migrantë ilegal, të cilët ishin fshehur në rimorkio”, theksojnë nga policia greke.
Maunia është kapur, ndërsa i burgosuri do të dalë para Prokurorisë Publike në qytetin grek Aleksandropoli. /Telegrafi/