Burak Ozcivit është një prej aktorëve turk më të pëlqyer nga publiku shqiptar.
Aktorin e kemi parë gjithmonë në projekte të serialeve, por kësaj radhe ka filluar punën në film.
Por, gjatë xhirimeve të filmit më të ri “Can Feda” bashkëshorti i Fahriye Evcen ka pësuar një lëndim të rëndë.
Ai është dërguar me urgjencë në një spital të afërt të qytetit të Stambollit për ekzaminime mjekësore.
Sipas të dhënave të para, 32-vjeçari ka këputur ligamentet e këmbës së majtë dhe për këtë duhet të pushojë.
Ndryshe, mediat ditë më parë kanë raportuar se Ozcivit ka tradhtuar gruan me modelen, Victoria Bonya.
Theksojmë se kjo e fundit ka reaguar duke hedhur poshtë të gjitha pretendimet e mediave turke. /Telegrafi/
