Përfaqësuesja e Kosovës për herë të parë në histori do të merr pjesë në kualifikime për Kampionatin Botërorë.
Kosova më 3 maj u bë anëtare e UEFA-s, pranim që i hap rrugë anëtarësimit në FIFA, në Kongresin e Meksikës që është paraparë të organizohet më 12 dhe maj.
Me pranimin në FIFA, Kosovës do t’i lejohet pjesëmarrja në kualifikimet për botërorin që mbahet në vitin 2018 në Rusi, dhe do të garojnë në grupin I, me kombëtare të njohura si Kroacia, Turqia, Ukraina, Islanda dhe Finlanda, transmeton Indeksonline.
Por, përzgjedhësi i Përfaqësueses së Kosovës Albert Bunjaki i ftuar në emisionin sportiv “Arena”, ka zbuluar edhe se cilat do të jenë dy ndeshjet e para të Kosovës në kualifikimet për botërorin e Rusisë.
Bunjaki ka thënë se turin kualifikues Kosova e nis në udhëtim, ku ndeshja e parë do të luhet më pesë shtator në Finlandë, ndërsa më gjasghtë tetor në stadiumin “Adem Jashari”, do të presë Kroacinë, e cila edhe cilësohet si përfaqësuesja më e fortë e këtij grupi.