Ka përfunduar një tjetër rreth në NBA, aty ku spektakli nuk mungoi, e diferenca mes pikësh ishte tejet e ngushtë në disa prej takimeve.
Los Angeles Lakers janë mposhtur në udhëtim te Chicago Bulls me rezultat 121-103, duke arritur që ta fitonin vetëm çerekun e fundit.
Me vetëm pesë pikë dallim, Portland Trail Blazer ia doli të triumfonte ndaj Toronto Raptors, 118-113, e fitore në këtë rreth mori edhe Miami Heat si nikoqir i Oklahoma City Thunder, 103-90.
Një përballje tejet e zjarrtë ishte edhe ajo në mes të Phoenix Suns, që ia dolën të fitonin përball Minnesota Timberwolves, 99-96.
Triumf më spektakolar mori Memphis Grizzlies në takimin kundër Houston Rockets, me shifrat 136-102, derisa me nëntë pikë dallim triumfoi edhe Dallas Mavericks ndaj Denver Nuggets, 111-101.
Numër i vogël i pikëve u realizua edhe në takimin mes New York Knicks ndaj Indiana Pacers me rezultat 92-84, ndërsa në anën tjetër fitore më të lehtë shënoi Atlanta Hawks kundër Orlando Magic, 129-111.
Duel i vështirë ishte edhe ai mes Cleveland Cavaliers e Boston Celtics, me këta të fundit që fituan në shtëpi me shifrat 98-92.
Në këtë rreth ia doli edhe Sacramento Kings, që fituan ndaj Detroit Pistons, 129-107, e me pesë pikë diferencë fitore mori edhe Washington Wizards kundër New Orleans Pelicans, 105-100. /Telegrafi/
