Ministri shtetëror për Evropë pranë Ministrisë së Punëve të Jashtme të Republika Federative e Gjermanisë, Michael Roth, sot do të takohet me zëvendës Kryeministrin për çështje evropiane, Bujar Osmani.
Siç thonë nga kabineti i Zëvendës Kryeministrit Osmani, në takim do të bisedohet për përgatitjet e procesit të skriningut, ndodhitë aktuale politike që kanë të bëjnë për përgatitjen e referendumit për marrëveshjen me Greqinë, si dhe temat tjera që kanë të bëjnë me integrimet e Republikës së Maqedonisë.
Takimi do të mbahet në hapësirat e Sekretariatit për çështje evropiane, përcjell Telegrafi Maqedoni.
“Pa zgjidhje të çështjes së emrit nuk ka perspektivë konkrete për BE dhe për NATO. Tani është bërë hap në këtë drejtim. Ky është sukses i madh, përparim i madh dhe do të ishte tragjike nëse rruga e mëtutjeshme drejt BE-së do të bllokohet, nëse nuk ekziston gatishmëria e këtij vendi në raport me çështjen e BE-në, Kushtetuta dhe të drejtën e zgjedhjes. Duhet të ketë bashkëpunim konstruktiv. Qeveria mban përgjegjësi të veçantë për gjithë këtë, por edhe opozita mban përgjegjësi|, tha Ministri Shtetëror në Ministrisë së Punëve të Jashtme të Gjermanisë,Michael Roth./Telegrafi/