Zëvendëskryeministri nga radhët e BDI-së, Bujar Osmani në ‘Facebook’ shkroi se “e vërteta më në fund arriti te drejtësia”.
“Të gjitha spekulimet dhe akuzat e rreme ndaj meje lidhur me rastin “Pacient” kanë përfunduar”, shkruan Osmani, njofton Telegrafi Maqedoni.
Ai më tej thotë se pas shqyrtimit të të gjitha provave të dorëzuara, Prokuroria Publike ka mbyllur hetimin duke vlerësuar se nuk ka asgjë të paligjshme në punën e tij.
“Dua të falënderoj të afërmit e mi, familjen time dhe miqtë e mi, për besimin që kanë pasur gjatë gjithë kësaj periudhe. Faleminderit edhe kolegëve dhe bashkëpunëtorëve të mi për kujdesin dhe durimin që kishin, me çka më lanë hapësirë e edhe kohë për të dëshmuar që kam pas të drejtë”, shkruan Osmani./Telegrafi/
