Deputeti i Partisë Demokratike, Bujar Leskaj, ka dalë kundër ndryshimeve në Kodin Zgjedhor.
Në fjalën e mbajtur në parlament, Leskaj theksoi se nëse opozita do të votojë ndryshimet e bëra do të certifikojë ndryshimet kushtetuese që Rama bëri legjislaturën e kaluar për të ndaluar koalicionet parazgjedhore.
“Nëse ne votojmë sot këtë Kod Zgjedhor, certifikojmë ndryshimet kushtetuese që bëri Rama më “kërpëratat” për të ndaluar koalicionet parazgjedhore. Nëse votojmë këtë kod pa lejimin e koalicioneve, shërbejmë si noterë të rëndomtë të Ramës”, tha Leskaj.
Leskaj bëri thirrje që PD të mos kthhet në një kënetë për të pranuar një Kod të ri Zgjedhor që dëmton opozitën në Shqipëri.
“Sistemi me lista të mbyllura u vendos se krijon stabilitet dhe nuk lejohej që të futen persona me precedent penal në lista si kandidatë, por kjo u rrëzua pasi Rama futi në Kuvend persona me precedent penal. PD nuk duhet të shëndërrohet në kënetë për të pranuar kode zgjedhore që dëmtojnë opozitën”, nënvizoi deputeti i PD.