Gianluiggi Buffon ka folur rreth të ardhmes në karrierën futbollistike.
Futbollisti ka folur për revistën gjermane “Der Spiegel” teksa ka pohuar se nëse vazhdon të mbetet te skuadra e Juventusit, kjo do të thotë se do të bëhet pengesë për të rritjen e të tjerëve.
“Kam shumë mundësi që të tërhiqem. Jam pothuajse 40 vjeç, ndiej detyrimin për t’i dhënë hapësira të tjerëve”, ka shpjeguar ai në një intervistë të dhënë për “Der Spiegel”.
Më pas, numri një i Juventus, ka pranuar me sinqeritet “E di shumë mirë se, nëse nuk tërhiqem, do të mund të bëhesha një pengesë për të rritjen e të tjerëve. Dhe nuk e dua një gjë të tillë”.
“Jam gjithsesi në dispozicion të Juventus-it dhe Italisë, ndihem si një ushtar në shërbim të skuadrës sime dhe vendit tim. Nëse do t’i duhet një portier unë do të isha gati, gjithmonë dhe gjithsesi. Edhe në moshën 80 vjeç”, ka thënë Buffon.
Italiani gjatë karrierës së vetë ka fituar shumë trofe me Juven dhe kombëtaren italiane.
Vlen të theksohet se i vetmi trofe me klube që nuk e ka fituar është Liga e Kampionëve pasi që Ligën e Evropës, atëbotë UEFA Cup e ka fituar me Parmën. /Telegrafi/