Dy skuadrat më të mira në NBA deri më tani, Milwaukee Bucks dhe Los Angeles Lakers janë përballur mes vete.
Ndeshja e zhvilluar në Fiserv Forum të Milwaukeet i ka takuar skuadrës vendase Bucks që kanë mposhtur Lakers me shtatë pikë diferencë 111:104.
Vendasit ishin më të mirë që nga fillimi i kësaj ndeshje, duke udhëhequr gjatë çerekut të dytë deri në 20 pikë epërsi.
Giannis Antetokounmpo ishte fantastik për vendasit në këtë sfidë duke shënuar 34 pikë, pati 10 kërcime e gjashtë asistime.
Me lojë të mirë u dallua edhe Hill me 21 pikë, ndërsa Kris Middleton shtoi 15 të tjera.
Anthony Davis shënoi 36 pikë e pati 10 kërcime, por që nuk i mjaftuan Lakers për fitore.
Vlen të theksohet se LeBron James e mbylli takimin me treshifror të trefishtë me 21 pikë, 12 kërcime e 11 asistime.
Për Bucks kjo ishte fitorja e 25-të përkundër katër humbjeve që kanë, ndërsa Lakers vazhdojnë ta mbajnë pozitën e parë në Konferencën e Perëndimit me 24 fitore e pesë humbje. /Telegrafi/
Rezultatet:
Atlanta Hawks – Utah Jazz 106:111
Milwaukee Bucks – LA Lakers 111:104
San Antonio Spurs – Brooklyn Nets 118:105
LA Clippers – Houston Rockets 117:122
