Kafsha që ka tërhequr më së shumti vëmendjen e vizitorëve gjatë një panairi vjetor në Pushkar të Indisë është një racë Murra e buallit me emrin “Bhima”.
Sipas mediave të huaja, përcjell Telegrafi, ky buall peshon 1.300 kg dhe është i vjetër gjashtë vjeç e gjysmë.
Kafsha është vlerësuar si shumë interesante dhe kjo është paraqitja e saj e dytë në panairin vjetor.
Ky buall unik u soll nga Jodhpur në Pushkar me ndihmën e pronarit të tij, Jawahar Lal Jangid, djalit të tij Arvind Jangid dhe anëtarëve të tjerë të familjes.
Në ditën e parë, njerëzit bënë një shëtitje për të kapur pamjet e kafshës.
Arvind tha që bualli ushqehet një kilogram “Ghee” (Ghee është një klasë e gjalpit të sqaruar që origjinën në Indinë e lashtë), gjysmë kilogram gjalpë, 200 gramë mjaltë, 25 litra qumësht – dhe jo vetëm.
“Para se të vinim në këtë panair, ne morëm një ofertë për këtë buall, por nuk duam ta shesim. Edhe në panair, buallet nuk janë në shitje, por vetëm me qëllim të ruajtjes dhe promovimit të racës Murra”, tha Arvind.
Por, çfarë bën përshtypje është fakti se, së paku sipas një përshkrimi të një videoje të publikuar nga Zëri i Amerikës, vlera e kësaj kafshe arrin në 2 milionë dollarë. /Telegrafi/
