BSPK-ja si subjekt legal dhe i dëshmuar në përfaqësimin e interesave të punëtorëve e mbështet dhe angazhohet që Ruzhdi Morina të zgjidhet anëtar i Bordit të TKPK-së, thuhet në njoftimin e kësaj sindikate.
Sipas saj, BSPK e mbështet, Morinën duke u bazuar në punën e tij të vazhdueshme në këtë instititucion, në mbrojtje të interesave të punëtoreve, dhënies së asistencës profesionale BSPK-së dhe kualifikimet e tij profesionale.
“Trusti i Kursimeve Pensionale të Kosovës është një model modern i menaxhimit të fondeve pensionale dhe padyshim shumë i rëndësishëm për punëtorët dhe shoqërinë në tërësi. Bazuar në këtë, jemi shumë të interesuar që të japim kontributin tonë në përfaqësimin e interesave të punëtorëve në pajtim me ligjin në Bordin e TKPK”, vijon tutje njoftimi. /Telegrafi/