Brozovic do të nënshkruajë një zgjatje katërvjeçare të kontratës me Interin

Mesfushori i Interit, Marcelo Brozovic thuhet se është në prag të zgjatjes së kontratës dhe angazhimit për Nerazzurrët për katër vite të tjera.

Kroati është lidhur me një largim nga klubi në muajt e fundit, me raporte për interesim nga klubet angleze të Ligës Premier.

Por, gazeta Tuttosport pretendon se 29-vjeçari, i cili mbërriti në klub në janar 2015, është afër nënshkrimit të një marrëveshjeje të re në Giuseppe Meazza.

Lexo po ashtu Interi do të takohet me përfaqësuesit e Brozovicit për të shmangur largimin falas, tri klube monitorojnë situatën

Gazeta raporton se klubi është optimist për negociatat me mesfushorin me tipare mbrojtëse dhe pret të nënshkruajë një zgjatje katërvjeçare me lojtarin.

Sipas Tuttosport, Brozovicit do t’i jepet një pagë prej 5.5 milionë euro deri në 6 milionë euro plus bonuse në sezon.

Në ditët në vijim, dy palët pritet të përfundojnë operacionin dhe të bëjnë të ditur të ardhmen e tyre së bashku në Pinetina.

Brozovic, i ardhur nga Dinamo e Zagrebit, ka luajtur 260 ndeshje me Interin dhe ka luajtur 70 ndeshje me kombëtaren kroate. /Telegrafi/