Ylli i muzikës pop, Britney Spears, ka bërë komentin e parë në lidhje me dokumentarin dedikuar jetës dhe veprës së saj.
Ajo ka treguar se ka qarë për dy për për dokumentarin, i cili u publikua pak javë më parë.
Framing Britney Spears, premiera e të cilit ishte në shkurt, shqyrtoi probleme të shumta të këngëtares përfshirë këtu shëndetin mendor, konservatorizmin që ka dominuar jetën dhe financat e saj për 13 vjet.
Këngëtarja më parë i është drejtuar dokumentarit në mënyrë indirekte por ka reaguar për herë të parë në rrjete sociale.
“Unë nuk e kam parë dokumentarin, por çfarë pashë pjesë pjesë, u turpërova nga ato që pashë”, tha ajo.
“Kam qarë për dy javë dhe akoma qaj ndonjëherë”.
39 vjeçarja bëri deklaratën së bashku me një video të saj duke kërcyer me këngën “Crazy” të Aerosmith, duke shtuar se ka nevojë për të kërcyer me muzikën e këngëtarit Steven Tyles çdo natë të jetës për të qenë më energjike.
“Jeta ime ka qenë gjithmonë shumë e spekuluar, e shikuar dhe e gjykuar – me të vërtetë tërë jetën time”, vazhdon ajo.
“Duhet shumë forcë për t’i besuar universit cenueshmërinë tënde të vërtetë, sepse unë gjithmonë jam gjykuar, fyer dhe turpëruar nga mediet, dhe jam akoma deri më sot”.
“Çdo ditë vallëzimi më sjell gëzim. Unë nuk jam këtu për të qenë perfekt. Unë jam këtu për të përcjellë mirësinë”. /Telegrafi/