Britney Spears dukej fenomenale teksa shijoi një muaj mjalti tropikal me bashkëshortin e saj model Sam Asghari, pas dasmës së tyre në qershor.
Krijuesja e hitit “Gimmie More”, 40 vjeçe, postoi një video të mrekullueshme në Instagramin e saj në Ditën e Pavarësisë së Amerikës teksa argëtohej në plazh me bikiki neon dhe printe tigri që tregonin trupin e saj të tonifikuar.
Videoja duket se është realizuar nga bashkëshorti i saj, hija e të cilit mund të shihej gjatë gjithë kohës.
Britney dukej se po kalonte një kohë të mrekullueshme dhe kishte një buzëqeshje të ndritshme në valët e oqeanit në klipin, i cili u shoqërua nga kënga hit e Justin Bieber “Honest”.
Edhe pse është e paqartë se sa kohë ka qenë Britney në muajin e saj të mjaltit, ajo e filloi postimin e saj duke përshkruar se çfarë ka bërë gjatë kësaj kohe edhe se moti nuk ka qenë optimal.
Para se të postonte klipin ku dukej joshëse, ajo ndau një video të burrit të saj të tretë teksa udhëtonin me qenin e tyre Australian Shepherd, të quajtur Saëyer, me avion privat – me sa duket për në destinacionin e muajit të mjaltit.
Çifti u martuan në një ceremoni luksoze në Los Angeles muajin e kaluar, me të ftuar të famshëm të dasmës që përfshinin Paris Hilton, Selena Gomez, Dreë Barrymore, Donatella Versace dhe Madonna, shkruan DailyMail.
Ata gjithashtu kohët e fundit u vendosën në një rezidencë të re luksoze, duke shpjeguar se ajo dhe Sam ishin fokusuar në blerjen e shtëpisë së tyre të re përpara se të planifikonin një muaj mjalti.
Spears ishte martuar më parë me Kevin Federline, 44, nga 2004 deri në 2007. Të dy kanë dy djem, Sean Preston Federline, 16 dhe Jayden Federline, 15 vjeç.
Ajo ishte gjithashtu e martuar shkurtimisht me mikun e fëmijërisë Jason Allen Alexander në vitin 2004, përpara se të anulohej. Alexander tentoi ta ndalonte martesën e saj me Sam, por përfundoi duke u arrestuar nga policia. /Telegrafi/
