Këngëtarja e famshme, Britney Spears, ka kaluar plot 30 ditë në Spitalin e Shëndetit Mendor për shkak të ngarkesës së tepërt dhe tragjedisë së pësuar nga sëmundja e rëndë e babait të saj, asaj iu desh një rehabilitim.
Përgjatë 30 ditëve, doktorët ishin kujdesur që artistja të shërohet me përdorimin e medikamenteve të duhura, por edhe me terapitë psikologjike.
Kështu pas largimit nga spitali i shëndetit mendor, Britney duket se po relaksohet, gjersa shfaqet duke marrë rreze dielli. Në Instagram ka hedhur një fotografi atraktive në një palë bikini në formë të zebrës.
Ditë më parë, menaxheri i Spears, Larry Rudolph, ka pohuar se këngëtarja kurrë nuk do të mund të performojë përsëri në mes të betejës së saj me shëndetin mendor.
Këngëtarja 37 vjeçare kishte planifikuar të rifillonte koncertet, por mesa duket një gjë e tillë nuk do të ndodhë.
Turneu i fundit i Britneyt ishte planifikuar të niste më 13 shkurt, me 32 shfaqje të planifikuara deri më 17 gusht, por u shty për shkak të problemeve të saj. /Telegrafi/