Ylli i ekranit, Millie Bobby Brown, vazhdon të shënojë suksese të mëdha çdo ditë e më shumë.
E reja u bë e famshme pasi filloi në “Stranger Things” në moshën 12-vjeçare dhe sapo ka publikuar projektin e saj të fundit në Netflix, “Enola Holmes 2”.
Megjithatë ajo e ka bërë të qartë se nuk do të ndalet me kaq, duke thënë në “The Drew Barrymore Show” se do të donte të luante Britney Spears në një film për këngëtaren.
“Unë dua të luaj një person real dhe mendoj për mua, Britney. Ajo do të ishte Britney Spears”, tha Brown.
Aktorja shpjegoi se sheh disa ngjashmëri mes karrierës së saj dhe asaj të Spears, pasi të dyja filluan kur ishin nëntëvjeçare.
“Unë mendoj se historia e saj ngjason me timen”, tha Brown. “Thjesht duke u rritur, duke parë videot e saj, duke parë intervista të saj kur ishte më e re”.
“Kur shikoj fotot e saj ndihem sikur mund ta tregoja historinë e saj në mënyrën e duhur dhe vetëm të sajën”.
Ndërkohë që nuk ka asnjë projekt për jetën e Spears aktualisht në zhvillim, kjo nuk e pengoi këngëtaren të përfshihej në Instagram për këtë çështje.
“Lajm i mirë, lajm i mirë! Ende po merr frymë”, tha Spears. “Dëgjoj për njerëz që duan të bëjnë filma për jetën time …unë nuk kam vdekur”. /Telegrafi/
