Britney Spears dhe Sam Asghari nuk flasin më me njëri-tjetrin, me avokatët e tyre të divorcit, që tani realizojnë të gjithë komunikimin mes ish-çiftit.
Dyshja kanë folur secili në rrjetet sociale për ndarjen, ndonëse kërkesën për divorc e bëri trajneri i fitnesit.
Por pavarësisht kësaj, ata në fakt nuk i kanë thënë asnjë fjalë njëri-tjetrit, raporton Us Weekly.
Ndërkohë, burimet i thanë TMZ se i gjithë komunikimi mes të dyve përfundoi kur Asghari i paketoi gjërat dhe u largua nga shtëpia e yllit.
Të gjitha diskutimet, negociatat dhe procedurat e divorcit tani do të trajtohen nga secili prej ekipeve të tyre ligjore.
Spears foli për herë të parë për divorcin të premten mbrëma, duke pranuar se është ‘pak e tronditur’ nga kthesa e ngjarjeve.
Këngëtarja e “Toxic” foli për herë të parë në Instagram duke thënë se “sinqerisht kjo nuk është punë e askujt, por nuk mund ta durojë më dhimbjen”.
Përpara Asgharit, krijuesja e hitit “Sometimes” ka qenë në vëmendje për disa lidhje të tjera.
Ajo nga një marrëdhënie e mëparshme ka dy fëmijë. /Telegrafi/
