Bashkohen shoqëritë ajrore British Airways dhe Iberia duke krijuar kështu një nga shoqëritë më të mëdha të transportit ajror në botë.
Bashkimi i shoqërive britanike dhe spanjolle sipas të dhënave të tyre do të kryhet deri në fund të vitit.
Bashkimi i këtyre dy kompanive duhet të miratohet edhe nga Komisioni Evropian. Edhe aksionerët e dy shoqërive duhet të japin dritën e gjelbër.
Nga bashkimi, dy shoqëritë presin avantazhe në konkurrencën e ashpër në treg. Të dy kompanitë kohët e fundit kanë shënuar humbje.