Policia ka kryer arrestime të rëndësishme dhe ka ardhur deri te zbulime të rëndësishme në hetimet për sulmin në koncertin në Mançester, deklaroi të premten shefi i policisë britanike për anti-terror Makr Rauli.
Ai theksoi se është arrestuar një pjesë e madhe e rrjetit terrorist, anëtar i të cilit besohet të ketë qenë edhe sulmuesi vetëvrasës Salman Abedi.
Në sulmet e së hënës gjatë koncertit të pop këngëtares amerikane Ariana Grande kanë humbur jetën 22 persona dhe mbi 60 të tjerë janë plagosur.