Kompanitë që mund të zhvlerësohet nga Moody’s, janë operacionet britanike të bankës spanjolle Santander, Bank of Ireland, Co-Operative Bank, dhe Nationwide Building Society.
Moody’s shpjegon se ky vendim ka qenë i pritur gjerësisht dhe nuk pasqyron një dobësim qoftë të financave shtetërore apo të bankave. “Ky vlerësim nuk do të thotë një përkeqësim i fuqisë financiare të sistemit bankar, apo të qeverisë”, deklaroi Elisabeth Rudman, analiste e Moody’s. “Ky paralajmërim i agjencisë së vlerësimeve vjen në bazë të udhëzimeve të vazhdueshme të autoriteteve britanike si Banka e Anglisë apo Autoriteti i Shërbimeve Financiare dhe Thesarit, se nëse bankat dështojnë në të ardhmen, nuk duhet të presin injeksione kapitali nga paratë e taksapaguesve.
Ndër bankat e tjera britanike të listuara në bursë, agjencia e vlerësimit mban një këndvështrim “negativ” për bankën HSBC, ndërsa ka ulur vlerësimin nga “e qëndrueshme” në “negative” për Barclays. /Telegrafi/