Arsenali mund të thuhet se e ka humbur titullin matematikisht, pasi ka pësuar humbje 3-0 në dhtëpi nga Brightoni në kuadër të javës së 36-të në Ligën Premier.
Pjesa e parë përfundoi pa gola, përkundër dhjetëra rasteve shënimi, derisa e dyta ishte ferr për Gunners.
Goli i parë i ndeshjes nga mysafirët u shënua në minutën e 51-të, kur Julio Enciso pranoi një asistim ngas Pervis Estupinian, për të shënuar për 1-0.
JULIOOOOOOOO! 🤩 pic.twitter.com/xPh6p0LVo6
— Brighton & Hove Albion (@OfficialBHAFC) May 14, 2023
Golin e dytë e realizoi Deniz Undav (86’), me asistimin nga Pascal Gross, duke e siguruar fitoren e skuadrës së tij.
Por, goditjen finale ua dha Estupinian në minutën e 90+6-të, e që do të jetë e hidhur për londinezët, duke e ditur se e pësuan në shtëpi.
Me këtë humbje, edhe shanset e Arsenalit për titull veniten, pasi kanë 81 pikë, katër më pak se Manchester City që ka një ndeshje më pak të luajtur, ndërsa në xhiron e 37-të, Topçinjtë takohen me Nottinghamin. /Telegrafi/