Aktori dhe ish-bashkëshorti i Megan Fox, Brian Austin Green, ka folur hapur për një temë që është ende tabu në botë- faktin që djali i tij është një homoseksual.
Në episodin e fundit të podkastit “Frosted Tips” me Lance Bass, ylli i “Beverly Hills 90210” foli për rritjen e djalit të madh, Kassius Lijah Marcil-Green.
“Unë do të hyja në këto biseda me Kashin ku doja shumë të kuptoja gjëra që më dukeshin kaq të pakuptueshme në fillim”, tha Green.
“Dhe pastaj e kupton dhe thua me vete ‘Kjo nuk është aspak ndryshe’. Është thjesht zgjedhja jote e partnerit. Nuk më prek aspak mua. Dhe kjo është ajo që unë gjithmonë përpiqem t’u lë përshtypje njerëzve tani – kjo nuk të prek ty”, shpjegoi ai.
Më pas prezantuesja e vlerësoi aktorin për faktin se ishte aq mendjehapur, duke shtuar se 21-vjeçari Kassius është i lumtur që e ka si prind.
“Shumë fëmijë janë keqkuptuar. Edhe nëse prindërit i pranojnë, ka shumë raste kur fëmija ende e di se ata ende nuk janë dakord me të”, tha Bass.
“Shumë njerëz kanë frikë nga kjo njohje e një fëmije, por ju nuk keni pse të keni frikë, kjo më intrigon”, shtoi Austin.
Kassius erdhi në jetë gjatë kohës që Brian ishte në një lidhje me Vanessa Marcil dhe pas saj, ai u martua me aktoren e famshme Megan Fox.
Ai kishte tre djem të tjerë me të dhe çifti u divorcua dy vjet më parë. /Telegrafi/