Stadiumi i klubit të Benficas në Lisbonë të Portugalisë, Estadio da Luz, është caktuar si vendi i finales së sivjetme të Ligës së Kampionëve.
Si pasojë e pandemisë së coronavirusit, UEFA u detyrua të bënte ndryshime në formatin dhe lokacionet e garës më të madhe evropiane për klube, ashtu që ndeshjet nga faza çerekfinale e tutje, do të zhvillohen në Portugali.
Estadio da Luz do të jetë nikoqir i finales së 23 gushtit, mirëpo në këtë arenë do të zhvillohen edhe përballje të tjera çerekfinale dhe finale. Ky stadium ka në dispozicion një kapacitet prej 64.642 ulëseve për tifozë.
Finalja e Ligës së Kampionëve fillimisht ishte caktuar të zhvillohej në Stadiumin Olimpik Ataturk në Stamboll të Turqisë më 30 maj, mirëpo për shkak të pandemisë së coronavirusit dhe pezullimit të futbollit, UEFA u detyrua ta ndërronte vendin dhe datën.
Ju ftojmë që në videon e mëposhtme të bëni “një udhëtim” brenda stadiumit Estadio da Luz:
https://www.youtube.com/watch?v=jWrctz2ovHQ
/Telegrafi/