Kur bëhet fjalë për shtëpitë e artistëve ndërkombëtarë, shifrat e tyre kalojnë milionat. Një shtëpi e tillë, çmimi i të cilës është 26 milionë dollarë i takon këngëtarit të njohur Robbie Williams, shkruan The Sun.
Robbie u ka dhënë ndjekësve mundësinë për një vështrim të brendshëm të rezidencës së tij me 22 banja dhe pishinë.
Ai është duke qëndruar i izoluar atje me gruan Ayda Field dhe katër fëmijët e tyre, Theodora, Charlton, Colette dhe beben e porsalindur.
Por, familja nuk po luftojnë për hapësirë në rezidencën gjigante të Los Angelesit. Ata kanë palestrën e tyre në shtëpi, kopshte të mëdha, një fushë tenisi dhe pishinë.
Në shumë raste, fëmijët janë parë shumë në punë, të ulur në tryezën e tyre të ngrënies me 12 vende.
Ata gjithashtu kanë shijuar shumë kohë cilësore familjare në dhomën e ndenjes që ka një divan në formë L dhe televizion në mur.
Robbie shpesh përmes rrjetit të tij social Instagram ndan momente gazmore me familjen e tij, teksa vazhdojnë të izolohen të gjithë së bashku. /Telegrafi/
