Dhjetëra policë me uniformë u mblodhën dhe bënë xhiro me motoçikletat e tyre jashtë një burgu, ku një njeri u ekzekutua për vrasjen e një oficeri.
Sipas mediave të huaja, përcjell Telegrafi, Robert Jennings u dënua me vdekje për vrasjen e oficerit Elston Howard gjatë një vjedhje në një dyqan librash në Houston të Teksasit, në vitin 1988.
Siç thuhet tutje, 61-vjeçari, i cili kaloi 30 vjet burg, u shpall i vdekur në orën 6,33 të mërkurën, 18 minuta pas administrimit të drogës.
Shefi i policisë së Hjustonit, nëna e Elston Howard, Era dhe partnerja e Jennings, Evelyn Staus ishin midis dëshmitarëve të pranishëm në njësinë Huntsville, përpara se Jennings të marrë një injeksion vdekjeprurës.
Ndërsa thuhet se policët jashtë burgut, përmes motoçikletave të tyre, kishin dërguar një zhurmë që bëri jehonë në dhomën e vdekjes.
Sipas Chronicle Houston, Jennings tha në momentet e tij të fundit: “Vetëm për pak kohë, për miqtë dhe familjen time, kjo ishte një udhëtim i mirë”.
“Për familjen e oficerit të policisë, shpresoj që kjo t’ju ofrojë, dhe jini mirë dhe qëndroni të sigurt. Gëzoni momentet e jetës, sepse kurrë nuk i kthejmë ato”. /Telegrafi/
