Në pamjet drithëruese që janë shpërndarë së fundmi, tregojnë shtëpitë luksoze që kushtojnë rreth 390 milionë euro, që ndodhen në veri të Londrës, të cilat janë braktisur nga pronarët e tyre miliarderë.
Avenue Bishops në Hampstead është një nga rrugët më ekskluzive të zonës, por rreth 66 pallate që ndodhen aty qëndrojnë të boshatisuram, transmeton Telegrafi.
Dokumentari i realizuar nga Beyond the Point, tregon pishinat e dëmtuara të këtyre pallateve si dhe kopshtet e parregulluara, përplot me stoli të kushtueshme.
Si pjesë e pamjeve që nuk janë parë ndonjëherë, shfaqet edhe një dhomë dite e ruajtur shumë mirë, që ndodhet brenda njërës prej këtyre pallateve të shtrenjta. Orenditë antike e mbushin shtëpinë dhe shumë revista qëndrojnë nëpër dysheme, sikur pronarët e kësaj shtëpie të shtrenjtë, do ktheheshin në çdo moment.
Bazuar në një hulumtim të bërë nga Guardian më 2014, është gjetur, se këto shtëpi, së bashku kushtojnë deri në 390 milionë euro. Shumica prej tyre janë blerë në vitet e 80-ta, me çmim prej rreth një milion eurove, derisa disa pronarë kurrë nuk kanë jetuar në to, të tjerë i kanë përdorur shumë pak.
Aktualisht, në atë zonë ka shumë shtëpi dhe zyra luksoze, derisa këto shtëpi kanë mbetur të braktisura. Guardian raporton se 16 prej tyre janë braktisur, teksa disa prej tyre shfrytëzohen vetëm për periudha shumë të shkurtra.
Mësohet se një e treta e këtyre shtëpive dikur madhështore janë të zbrazëta, ndërsa së bashku kanë 120 dhoma të fjetjes, që mbesin të lira. /Telegrafi/
