Të gjithë ata që i kanë xhepat e thellë dhe nuk hezitojnë të shpenzojnë shuma të majme të parave, d0 të mund që në mes të shkretëtirës së Arizonës në SHBA ta kenë në pronësi bunkerin nëntokësor nga i cili ishte planifikuar të lansoheshin raketat bërthamore në rast se vjen deri te lufta – është nxjerr në shitje dhe atë për vetëm 395 mijë dollarë.
Agjencitë e patundshmërive kanë postuar kompleksin ushtarak që është nxjerrë në shitje dhe që shtrihet në 13 akra, rreth 35 milje në veri të Tucsonit në Arizona, transmeton Telegrafi.
Edhe pse asnjë njeri nuk jetoi kurrë brenda këtij kompleksi, dikur ishte shtëpi e relikteve të Luftës së Ftohtë – raketave balistike interkontinentale Titan II.
Bëhet fjalë për raketa që kishin kapacitetet të godasin cakun në një distancë prej 6 mijë milje, dhe që ishin 600 herë më të fuqishme sesa bomba atomike që ra mbi Hiroshima të Japonisë.
Ky kompleks ishte një nga 18 të ndërtuar përreth Tucsonit në fillim të viteve të 60-ta, kur fati i botës varej shumë nga veprimet e Bashkimit Sovjetik dhe SHBA-ve.
Në fillim të viteve të 80-ta, Lufta e Ftohtë “vdiq”, duke bërë që shumë raketa të nxirren nga përdorimi apo të “varrosen” me beton. E duke parë që më nuk ishin të nevojshme, qeveria vendosi që këto komplekse t’i nxjerrë në shitje.
“Ata vendosën për një çmim të arsyeshëm”, deklaroi Yvconne Morris, e cila dikur komandonte në njërin nga këta komplekse në Tucson.
“Njerëzit që nuk ishin të interesuar ta dinë se çfarë kishte nën tokë, e morën për ta punuar tokën”, ka shtuar ajo.
E një prej personave që vendosi ta blejë një nga këto komplekse është Rick Ellis. Në vitin 2002, ai ia kishte paguar 200 mijë dollarë një familje që e kishte blerë kompleksin nga qeveria. Ata asokohe kishin paguar vetëm 20 mijë dollarë.
Ai deklaroi për “Star” se dëshiron ta shesë tani pronën për 395 mijë dollarë, pasi është “lodhur” dhe se ka ndërmend të bëjë gjëra tjerë më të mira me paratë që do t’i merr nga shitja.
E për të tërhequr sa më shumë blerës potencial, Ellis kontraktoi një ekspert të shitjeve – Grant Hampton i cili mori me vete në kompleks një fotograf që do të realizonte disa fotografi të bukura.
Për të arritur brenda kompleksit duhet hapur dera e trashë nga metali. Më pas vizitorët ecin nëpër një korridor të gjatë që në fund të tij ka shkallët që qojnë në dhomat e veçanta.
Megjithatë, Ellis thotë se i është dashur të shpenzoj rreth 80 mijë dollarë për ta pastruar bunkerin dhe 20 mijë tjera për dokumentacionin që dëshmonte se kjo pronë tani është e tij.
Për ta shitur pronën, një gjë e tillë kishte tentuar ta bëjë qysh para 10 viteve, madje kishte gjetur blerës potencial, por recesioni që goditi pothuajse tërë botën bëri që ata të largohen. /Telegrafi/
