Ky kabinet, që nuk bëhet i ditur se në cilin qytet ndodhet, ka mbetur i paprekur që nga viti 1991.
Eksploruesi dhe fotografi me nofkën Gunner, ka treguar se në këtë hapësirë, nuk ka hyrë askush, që nga rënia e Bashkimit Sovjetik, transmeton Telegrafi.
Në këtë kabinet, shihen kavanoza me kafshë të ngordhura, përshkrime skeletesh të njerëzve dhe kafshëve, libra shkencor, si dhe tabela e zezë, në të cilën shkruhet me shkumës.
Kjo e fundit, ka marrë shumë vëmendje nga shikuesit e rinj, të cilët nuk kanë parë ndonjëherë diçka të tillë në klasat e tyre.
Nuk bëhet e ditur, pse është braktisur kjo klasë, që është shumë e pasur me mjete konkretizuese.
Ndryshe, Gunner që është nga Zelanda e Re, shëtitë nëpër tërë botën dhe eksploron struktura të ndërtuara dhe të braktisura nga njerëzit. /Telegrafi/