Aktori i njohur Blerim Destani është angazhuar së fundmi në disa projekte filmike të tregut ndërkombëtar.
Filmi i ri në të cilin ai do të luajë rolin e një nazisti gjerman pritet të publikohet shumë shpejt.
Ndërkohë, Blerimi tash enjë kohë jeton në Dubai dhe është bërë i njohur për jetën e tij luksoze që bën.
Ai nuk heziton që luksin dhe gjërat e shtrenjta shpesh herë t’i ndajë edhe me ndjekësit e tij në rrjetet sociale.
Së fundmi, aktori ka publikuar në Instagram Story një video ku shfaqet në veturën e tij luksoze “Ferrari 458”, teksa vozit nëpër rrugët e qytetit.
Madje ai ka treguar se nuk heziton të dëgjojë edhe muzikë shqip kur është në veturën e tij, teksa gjatë vozitjes kishte të lëshuar këngën e re “Uno” të rap-artistit të njohur kosovar Capital T. /Telegrafi/
