Brazili u kërkoi grave të premten “të vonojnë të mbeten shtatzënë” derisa të kalojë më e keqja e pandemisë.
Kjo pasi që, siç është thënë, duket se varianti i virusit që po shkatërron vendin e Amerikës së Jugut duket se prek nënat e ardhshme më shumë sesa versionet e mëparshme të coronavirusit, përcjell Telegrafi.
Rekomandimi vjen ndërsa Brazili vazhdon të jetë një nga epiqendrat globale të pandemisë, me më shumë brazilianë që vdesin nga virusi çdo ditë sesa kudo tjetër në botë.
Spitalet po përballen nën tendosje dhe rezervat e ilaçeve të nevojshme për intubimin e pacientëve të sëmurë rëndë po mbarojnë në mënyrë të rrezikshme, me Brazilin që u drejtohet partnerëve ndërkombëtarë për ndihmë me furnizimet e urgjencës.
“Nëse është e mundur, shtyni shtatzëninë pak deri në një moment më të mirë”, citohet të ketë thënë zyrtari i ministrisë së Shëndetësisë, Raphael Parente gjatë një konference shtypi të premten.
Ai tha se rekomandimi ishte pjesërisht për shkak të ngarkesës në sistemin shëndetësor, por edhe për shkak të variantit brazilian më lehtë të transmetueshëm i njohur si P.1.
“Përvoja klinike e specialistëve tregon se ky variant i ri vepron më agresivisht tek gratë shtatzëna”, thka shtuar Parente.
Më parë, rastet e COVID-19 gjatë shtatzënisë ishin përqendruar në tremujorin e fundit dhe lindjen, ndërsa kohët e fundit ka pasur raste më serioze në tremujorin e dytë dhe me raste, në tremujorin e parë, tha ai.
Megjithatë, Parente nuk ka dhënë detaje tjera.
Varianti P.1, i zbuluar për herë të parë në qytetin Amazon të Manaus, është bërë shpejt dominues në Brazil.
Ky variant mendohet të jetë një faktor kryesor pas një vale masive të dytë të infeksioneve që ka sjellë numrin e të vdekurve të vendit në mbi 350,000 – i dyti më i lartë në botë pas Shteteve të Bashkuara.
Përhapja e Brazilit po prek gjithnjë e më shumë të rinjtë, me të dhënat e spitalit që tregojnë se në mars më shumë se gjysma e të gjithë pacientëve në kujdes intensiv ishin të moshës 40 vjeç ose më të rinj. /Telegrafi/