Site icon Telegrafi

Brazili mund ta bojkotoj Copa American pas zhvendosjes së turneut në atdheun e tyre, Casemiro dhe Tite e konfirmojnë

Kapiteni i Kombëtares së Brazilit, Casemiro ka sugjeruar që ekipi i tij kombëtar është i bashkuar kundër luajtjes së Copa America në atdheun e tyre, trajneri Tite mund të jap dorëheqje dhe ‘Selecao’ mund ta bojkotoj turneun.

Conmebol ka konfirmuar datën e fillimit të garës më 13 qershor deri më 10 korrik me katër vendndodhje – Brasilia, Rio de Janeiro, Cuiaba dhe Goiania, por opozita sociale dhe politike në Brazil e bën pozicionin e tyre të paqëndrueshëm.

Shumë njerëz në Brazil janë të mërzitur për turneun e zhvendosur në vend të tyre për shkak të numri të madh të rasteve me COVID-19.

Lexo po ashtu Kupa e Amerikës afër bojkotit, situata nuk flet në favor të garës

Kjo situatë ka bërë që lojtarët e Brazilit të mendojnë bojkotimin e Copa America dhe në anën e tyre është edhe trajneri Tite, i cili edhe mund të dorëhiqet.

Tite ka marrë anën e lojtarëve pasi vendimi për të zhvendosur turneun në vend dhe marrëdhënia midis tij dhe Federatës së Futbollit të Brazilit ishte tashmë e dobët.

Shumë besojnë se ai do të largohet nga puna e tij para se të fillojë Copa America , por ai thotë se do ta marrë vendimin e tij më 8 qershor pas ndeshjes së tyre kundër Paraguait.

“Ju të gjithë mund të krijoni çdo hipotezë që dëshironi, unë vetëm kërkoj që të jeni të kujdesshëm. Unë do të shpjegoj veten në kohën e duhur. Jo tani”.

“Unë nuk jam duke ikur nga pyetja, por të gjithë e dimë se ka një kohë të saktë për të bërë gjëra”, ka thënë Tite në konferencë shtypi.

“Të gjithë e dinë pozicionin tonë për Copa America në Brazil. Nuk mund të jetë më e qartë. Ne duam të shprehim mendimin tonë më shumë pas ndeshjes kundër Paraguait [më 8 qershor]”.

“Nuk jam vetëm unë, jo vetëm lojtarët që luajnë në Evropë. Janë të gjithë, përfshirë trajnerin Tite. Të gjithë jemi së bashku”, ka thënë kapiteni Casemiro. /Telegrafi/

 

Exit mobile version