Telegrafi

Bravo tregon arsyen e largimit nga Barcelona

Claudio Bravo ka folur pa dorëza për transferimin e tij të cuditshëm nga Barcelona tek Manchester City, teksa ka treguar edhe arsyet.

Portieri kilian këtë verë ndryshoi sërish skuadër duke u transferuar nga Barcelona te Manchester City, i cili skuadrës angleze i kushtoi plot 20 milionë euro dhe ishte kërkesë e Pep Guardiolas.

Bravo është i lumtur për kalimin e tij në ishull ndërkohë që në një intervistë Bravo zbuloi edhe arsyet se përse u largua nga Barcelona.

Lexo po ashtu Gundogan tregon se cili është më i miri, Klopp apo Guardiola

“Nuk ika nga Barca sepse aty ishte Ter Stegen. Isha shumë i sinqertë me drejtuesit e klubit katalanas. Unë nuk dëshiroja të ulesha në stol në asnjë ndeshje. Ata e kuptuan diçka të tillë dhe më lejuan të largohem”, deklaroi fillimisht Bravo, transmeton Telegrafi.

“Te Barcelona gjithmonë u mundova të bëja më të mirën time. Gjithmonë kam pasur mbështetjen e të gjithëve aty”, përfundoi portieri kilian. /Telegrafi/