Ylli shqiptar, Brajan Gruda ka përfunduar në listën e dëshirave të klubit të njohur të Ligës Premier, Brighton.
Sulmuesi anësor 20-vjeçar është njëri nga emrat më të talentuar në futbollin gjerman, pasi ka shkëlqyer me skuadrën e Mainz në Bundesliga.
Paraqitjet e tij të mira me Mainz dhe ekipin e Gjermanisë U-21 kanë bërë që Gruda të shihet si një transferim i mundshëm për klubet e mëdha gjermane.
Megjithatë, anësori këmbëshpejtë ka përfunduar gjithashtu në radarin e klubit të njohur të Ligës Premier.
Sipas ekspertit të transferimeve Fabrizio Romano, Gruda është një nga objektivat “ëndërr” të Brighton këtë verë.
Romano shton se marrëveshje nuk do të jetë aspak e lehtë pasi Mainz planifikon ta mbajë Grudën në klub, por Brighton e ka diskutuar emrin e tij brenda bordit.
Çmimi i lojtarit shqiptar është 20 milionë euro. /Telegrafi/
🔵🇩🇪 Understand Brajan Gruda is one of the “dream” targets for Brighton this summer, considered as huge talent and future top player.
Not easy deal at all as Mainz plan to keep Gruda at the club, but Brighton have discussed his name internally. pic.twitter.com/ZvPNQsefvH
— Fabrizio Romano (@FabrizioRomano) July 16, 2024