Aktori i famshëm anglez, Jason Statham, tash e disa ditë e ka nisur një sfidë të re në internet.
Ai e ka përfunduar me sukses sfidën e kapakut të shishes dhe videon e ka postuar në rrjetin social, Instagram.
Kjo video është bërë virale dhe ka arritur më shumë se 14 milionë shikime. Ai shihet se si me anë të këmbës teksa sillet, e godet kapakun dhe e largon atë nga shishja.
Çka është sfida e kapakut të shishes?
Është kur ju mundoheni të heqni kapakun e shishes me këmbë, pa e rrëzuar shishen. Duket e lehtë, por nuk është edhe pse Jason Statham e bëri të duket e tillë.
Megjithatë, kjo sfidë fillimisht është realizuar nga UFC Fight, Max Holloway pas pranimit të sfidës nga Errolson Hugh, e më pas vazhdoi edhe te VIP-at e tjerë.
Sfida është bërë me qëllim të zvogëlimit të përdorimit të shisheve plastike, duke i zëvendësuar me ato prej qelqit. /Telegrafi/