Bota mund të vuajë nga një rënie prej 40 pë qind në ujë, në 15 vitet e ardhshme, nëse nuk ndryshohet në mënyrë dramatike mënyra e përdorimit të këtij burimi natyror, ka tërhequr vërejtjen një raport i Kombeve të Bashkuara të premten.
Agjencia e lajmeve AP njofton se sipas raportit, shumë rezerva të ujërave nëntokësore janë duke u zvogëluar, ndërkohë që rreshjet pritet të shndërrohen në fenomen të paparashikueshëm për shkak të ndryshimeve klimatike.
Dhe ndërkohë që bota pritet ta shtojë popullsinë e saj në 9 miliardë në vitin 2050, uji nga toka do të jetë më i nevojshëm për të përmbushur kërkesat e industrisë, prodhimit dhe konsumit personal.
Nëse trendi aktual i shfrytëzimit të ujit nuk ndryshon, bota do të ketë 60 për qind më pak ujë në vitin 2030, thuhet në raport. /Telegrafi/