Mbi 200 milionë njerëz në botë janë të papunë, kjo një rritje me 3.4 milionë veta që prej vitit të kaluar, raporton agjencia e punës e Kombeve të Bashkuara, duke bërë thirrje për politika që mund të nxisin bizneset e vogla dhe të mesme.
Në raportin “Punësimi Botëror dhe Perspektiva Sociale”, Organizata Ndërkombëtare e Punës paralajmëroi se bizneset e vogla dhe të mesme, kanë qenë në ngecje, me situatën që është përkeqësuar në ekonomitë në zhvillim, ku 1 në 2 persona janë të punësuar në këto biznese.
Sipas raportit, sipërmarrjet e sektorit privat përbënin për pjesën më të madhe të punësimit global në vitin 2016, me 2.8 miliardë individë, duke përfaqësuar 87% të totalit të punësimit.
Sektori, që përfshin gjithashtu bizneset e vogla e të mesme, përbën për 70% të të gjitha vendeve të punës në disa vende arabe si dhe mbi 50% në Afrikë.
Megjithatë, Organizata Ndërkombëtare e Punës tregoi se këto kompani po hasin vështirësi.
Të dhënat e fundit për mbi 130 vende, tregojnë se bizneset e vogla e të mesme kanë rritur punësimin me norma më të larta se ato të mëdha përpara krizës globale financiare. /Telegrafi/