Policia boshnjake arrestoi të martën dy ish-ushtarë serbë të akuzuar për vrasjen e të paktën 78 civilëve boshnjakë (myslimanë) në fillim të luftës të viteve 90-ta, bazuar në deklaratën e prokurorisë së shtetit.
Një çerek shekulli ka kaluar që nga marrëveshja e paqes e cila u ndërmjetësua nga Shtetet e Bashkuara të Amerikës, ku edhe i dha fund luftës midis serbëve Bosnjës, kroatëve dhe boshnjakëve; në të cilën u vranë rreth 100 mijë njerëz, derisa shumë kriminelë lufte janë ende të lirë.
Uncanin Bosko 51-vjeçar dhe Despot Dragan 56 vjeçar, janë akuzuar për shkeljen e dispozitave të konventave të Gjenevës për mbrojtjen e civilëve gjatë kohës së luftës si dhe për krime kundër njerëzimit, thotë zyra e prokurorit.
Ata u arrestuan në qytetin veriperëndimor të Banja Luka.
Dy ish-ushtarët e ushtrisë serbe në Bosnjë dyshohet të kenë transportuar civilët boshnjakë nga një shkollë në fshatin perëndimor Velagici, duke i rreshtuar si dhe duke i qëlluar me pushkë automatikë me ushtarë të tjerë, duke vrarë të paktën 78 persona.
Trupat e viktimave u transportuan me kamionë dhe u groposën në një varr masiv nga i cili u zhvarrosën në vitin 1996. /Telegrafi/