Në raportin e ministrisë amerikane të Financave thuhet se borxhi i ekonomisë më të madhe botërore do të rritet në 102 % të GDP-së deri në vitin 2015, me rritjen e këtij viti prej 93 %.
Ekspertët e ekonomisë të presidentit Barack Obama thonë se rritja e GDP-së për 1 % mund të krijojë miliona vende të reja pune dhe paralajmërojnë se pikërisht ai 1 % po humbet për shkak të borxheve, të cilat po e rëndojnë rritjen ekonomike, transmetojnë mediet amerikane.
Borxhi amerikan është rritur me shpejtësi për shkak të krizës së rëndë ekonomike dhe shpenzimeve qeveritare për shpëtimin e institucioneve financiare në Wall Street, luftërat në Afganistan dhe Irak, si dhe për shkak të stimulimeve masive ekonomike.