Olympiakos kishte dominimin por rastet ishin në anën e vendasve. Bordeaux startoi fuqishëm duke shënuar me anë të Yoan Gourcuff për epërsinë 1-0 (5’).
Në fraksionin e dytë, Olympiacos bëri përpjekje për të zvogëluar paksa epërsinë. Mitroglou dy minuta pasi u inkuadrua në lojë shënoi një gol fantastik (65’) për rezultatin 1-1.
Goditjen përfundimtare grekëve ua dha Marouane Chamakh me një gol me kokë, për rezultatin përfundimtar prej 2-1 (88’), duke shuar shpresat e grekëve për ndonjë ndryshim eventual në favor të tyre.
Shorti i çerekfinaleve të Ligës së Kampionëve tërhiqet të premten me fillim nga ora 12:00 në Nyon të Zvicrës. /Telegrafi/