Këtë javë rajoni po përballet me mot të ftohtë dhe reshje bore. Borë ka rënë edhe në vendet bregdetare, si në Shëngjin dhe Ulqin.
Bora që ka rënë në Ulqin, e që nuk është shumë e zakonshme për këtë qytet bregdetar i ka dhënë një pamje mahnitëse.
Ndryshe, edhe në Kosovë këtë javë ka mbajtur mot i ftohtë dhe me reshje bore. Temperaturat po sillen rreth 0 e deri në minus 6 gradë.
Ndërkohë nesër pritet që të jetë dita më e ftohtë, ku temperaturat maksimale do të sillen rreth minus 3 gradë, ndërsa minimalja do të jetë -18 gradë Celsius.
Moti pritet që të përmirësohet gjatë vikendit. /Telegrafi/
