Deri në 40 centimetra borë, kanë rënë në disa pjesë të Saharës, pasi zona është përfshirë nga stuhitë dhe moti i ftohtë.
Kjo është hera e tretë brenda afro 40 vitesh, që bora mbulon dunat e kësaj shkretëtire, transmeton Telegrafi.
“Ishte e befasishme të zgjohemi dhe ta shohim hapësirën e bardhë, madje qëndroi ashtu tërë paraditen derisa nuk u shkri”, ka thënë njëri nga banorët.
Gjatë vitit 2016, e njëjta zonë është mbuluar nga bora gjatë festave të fundvitit, që ka shkaktuar kaos në trafik pasi rrugët ishin të ngrira dhe rrëshqisnin.
Njëjtë ndodhi edhe një vit më parë, madje kishte sasi të mëdha që mundësoi fëmijëve të krijojnë dordolec.
Para kësaj, borë ka pasur në shkurt të vitit 1979, që kishte qëndruar për vetëm gjysmë ore. /Telegrafi/
