Juventus nuk e ka shfrytëzuar gabimin e Romës për tu shkëputur edhe më shumë në tabelë.
‘Zonja e Vjetër’, ka barazuar në udhëtim te Udinese 1-1 pas disavantazhit në pjesën e parë.
Kampioni në fuqi tentoi të shënoi golin e epërsisë qysh në minutën e tetë nëpërmjet Miralem Pjanic por pa sukses.
Tre minuta më vonë provoi edhe argjentinasi Paulo Dybala por rrjeta e vendasve mbeti e paprekur.
Vendasit u kundërpërgjigjën me dy raste të mira nga Duvan Zapata por pa sukses.
Në minutën e 37-të erdhi edhe goli i parë në këtë sfidë.
Braziliani Danilo e shërbeu bukur Zapatan i cili u fut në zonë dhe me një goditje të saktë mposhti Gianluiggi Buffonin për 1-0.
Me epërsinë minimale të vendasve përfunduan 45 minutat e parë të kësaj ndeshje.
Udinese ka mundur ta dyfishoi epërsinë në minutën e 53-të, por goditja e Felipes nuk ishte e saktë.
Pas një ore lojë, Juventus arriti ta barazoi rezultatin në 1-1.
Një harkim fantastik në zonë nga Paulo Dybala, bëri që Leonardo Bonucci të shënoi me kokë për 1-1.
Deri në fund të ndeshjes të dyja skuadrat provuan të shënonin gola tjerë por një gjëje të tillë nuk ia arritën.
Kësisoj Juventus mbetet në krye të klasifikimit me 67 pikë të tubuara, tetë më shumë se Roma që ndodhet në pozitën e dytë.
Ndërkohë Udinese zë pozitën e 14-të në tabelë me 30 pikë të grumbulluara. /Telegrafi/