Gjashtë bombardues amerikanë, B-52 do të fluturojnë brenda një dite në 30 vendet anëtare të NATO-s.
Ky është një ushtrim i planifikuar, njoftoi komanda amerikane për Evropën si dhe vetë aleanca më e madhe ushtarake në botë.
Më tutje thuhet se ky është një mision unik i grupeve operative të bombarduesve në Evropë, i cili rregullisht përsëritet, transmeton Telegrafi.
“Gjashtë bombardues strategjikë B-52 Stratofortress do të fluturojnë mbi të gjitha 30 vendet e NATO-s në Evropë dhe Amerikën e Veriut më 28 gusht”, njoftoi komanda e SHBA-së për Evropë.
Këtë ushtrim e konfirmoi edhe Sekretari i Përgjithshëm i NATO-s, Jens Stoltenberg, duke pohuar se kjo tregon përkushtimin e SHBA-ve në NATO.
“Ngjarja e sotme e trajnimit tregon përkushtimin e fuqishëm të Shteteve të Bashkuara për NATO-n dhe solidaritetin me Aleatët. Bombarduesit amerikanë do të fluturojnë mbi qiejt e 30 Aleatëve të NATO-s në një ditë të vetme. Ato do të shoqërohen nga aeroplanët luftarakë nga e gjithë Aleanca, duke rritur aftësinë tonë për t’iu përgjigjur së bashku çdo sfide. Ngjarjet e tilla si kjo neve na ndihmon që të përmbushim misionin tonë thelbësor: parandalimin e agresionit, parandalimin e konfliktit dhe ruajtjen e paqes”.
Ndryshe, misioni quhet “Allied Sky” dhe qëllimi i tij është të tregojë solidaritetin dhe gatishmërinë e aleancës verioro-atlantike. /Telegrafi/