Kryetari për mbrojtjen e ekologjisë nga EcoGuerilla, Arianit Xhaferi për portalin Faktor ka deklaruar se dislokimi i deponisë nga Tetova e cila me vite është plagë kanceri për banorët lokal dhe rrethinën nuk guxon të mbetet problem i ri, vetëm në një vend tjetër, përcjell Telegrafi Maqedoni.
”Patjetër të bëjmë shtypje politike ndaj autoriteteve lokal dhe qendrave, për zgjidhjen e problemi nga mjedisi jetësor, ndërsa në të njëjtë kohë edhe respektimi i Ligjeve dhe Kushtetutës në lidhje me këtë çështje. Do të vazhdojmë të bëjmë shtypje, do të ndjekim të gjithë procesin e dislokimit, që të sigurojmë se i gjithë vendi i mbeturinave do të përfundojë ku duhet, në çdo deponi e cila i përmbush kushtet dhe standardet dhe jo të shkaktojë ndonjë problem në ndonjë vend tjetër”, ka potencuar Xhaferi.
Ai më tej ka shtuar se në lidhje me deponinë e egër në Tetovë, pritet kësaj rradhe të ketë një zgjidhje të qartë dhe se e njëjta deponi plotësisht do të dislokohet prej hyrjes së qytetit. Do të transportohet në vend të përshtatshëm, pasi zjarri i cili ndodhi të shtunën, ishte shumë e qartë se deponia paraqet rrezik të madh për jetën e tetovarëve.
Sipas Xhaferit, zgjidhje nuk ka, vetëm se duhet të ekzistojë vullnet politik për këtë problem dhe sipas EcoGuerilla nuk do të bëjë marrëveshje dhe bisedime, por zgjidhje të drejtpërdrejtë e cila do të zgjidh problemin në mënyrë afatgjate.
Përndryshe, banorët e Tetovës disa herë kanë protestuar kundër ajrit të ndotur dhe deponisë. /Telegrafi/