Ai njihet si boksieri më i mirë i të gjitha kohërave në botë. Pavarësisht kësaj kishte raste kur edhe Muhammad Ali kishte parë vetën si humbës.
Janë pesë boksierë të cilët edhe arritën që të mposhtin, transmeton Klan Kosova. Më 1971 ishte meçi i parë që e humbi Ali. Për kundërshtar atëbotë kishte Joe Frasier një boksier amerikan. Kjo humbje ishte e para në karrierën e Ali e që kishte ardhur pas 32 meçeve.
Fraiser ishte kampion i botës në kategorinë e rëndë, ku kishte boksuar nga viti 1965 deri më 1976, më pas për t’u rikthyer më 1981. Këtë takim, Ali e kishte humbur me vendim unanim të gjyqtarëve.
I dyti që kishte arritur ta mposhte legjendën Ali ishte Ken Norton në mars të vitit 1973, ku përsëri fituesi ishte vendosur pas 12 raundeve dhe kjo ishte ndeshja e parë e boksierëve. Më pas rimeçin e kishte fituar Ali, po ashtu me vendin të gjyqtarëve.
Leon Spinksleon është njeriu i tretë që kishte mposhtur Alin në boksin profesionist. Në meçin e vitit 1978 në 15 raunde në Las Vegas, Ali kishte pësuar humbjen e tretë.
Më pas ishte Larry Holmes që më 1980 po kalonte ditët më të mira të karrierës së tij. Këtë e tregon edhe fitorja ndaj Ali. Asokohe, Ali kishte rastin që të bëhej kampion i katërfishtë botëror, por nuk shkoi gjithçka sipas planit.
Dhe i pesti dhe i fundit ka qenë Trevor Berbickin që në vitin 1981 i kishte shkaktuar humbje Muhammad Alisë në ndeshjen që verdiktin e kishin dhënë gjyqtarët.
Kjo ishte ndeshja e fundit në boksin profesionist për Ali, kur vit edhe ishte pensionuar.