Menaxheri i 1TV Bojan Jovanovski, i njohur si “Boki 13” me pranga në duar dhe nën shoqërim të policisë, është sjellur në Gjykatën Penale të Shkupit, ku do të merret në pyetje.
Jovanovski është i dyshuari i parë në lëndën e re të Prokurorisë Themelore. Ai së bashku me afaristin Zoran Milevski dyshohen për marrje të dhuratës për ndikim të kundërligjshëm dhe për larje parash, përcjell Telegrafi Maqedoni.
Shefja e Prokurorisë për Ndjekjen e Krimit të Organizuar dhe Korrupsionit Villma Ruskovska, tha se do të kërkojnë paraburgim për të dy të dyshuarit.
Ndryshe, pasi Jovanovski u arrestua në kalimin kufitar “Bogorodicë”, policia ka kryer kontrolle në shtëpinë e prindërve të tij, në lagjen Taftalixhe në Shkup./Telegrafi/
