Të hënën më 23 shtator, dëshmi për rastin e shumë përfolur në opinion “Haraçi”, të hënën do të jep i dyshuari i parë i rastit, Boki 13.
Vetëm një ditë më vonë, në pyetje pritet të merret edhe Katica Janeva, e cila tashmë do të dëshmoj për herë të dytë, përcjell Telegrafi Maqedoni.
Janeva herën e parë ishte e thirrur në cilësinë e dëshmitares, ndërsa të martën më 24 shtator do të merret në pyetje si e dyshuar e tretë në rastin “Haraçi”.
Sipas ekspertëve, në Maqedoni deri tani përveç rastit me ‘bombat’ ka edhe raste tjera ku përgjimet ilegale janë përdorur si dëshmi.
Kjo çështje u hap pas deklaratës së djeshme të avokates Katica Janeva e cila tha se nuk mund të përdoret ‘bombat’ si dëshmi, përcjell Telegrafi Maqedoni./Telegrafi.