Jam i sigurt se Bullgaria nuk do të jetë në gjendje të na bllokojë me një bllokadë të re dhe çdo hap i ardhshëm drejt rrugës sonë të integrimit evropian zvogëlon shanset e Bullgarisë për të realizuar kërkesat e tyre, tha ish-deputeti nga radhët e LSDM-së Pavle Bogoevski.
“Duhet të jemi realistë se besimi i qytetarëve të Maqedonisë në institucionet e BE-së ka rënë. Nuk është faji ynë. Sfidat që janë brenda nesh japin arsye të madhe për skepticizëm në deklarata të tilla. Ajo që nuk mund ta mohojmë është se sot ishte një ditë e madhe, historikisht u mbyllën një sërë çështjesh të rëndësishme, të cilat shkaktuan rezerva në opinionin maqedonas”, tha Bogoevski.
Sipas tij, me Deklaratën e Sofjes zyrtare “Bullgaria i thotë vetes se komunikimi mes Maqedonisë dhe BE-së në asnjë mënyrë nuk mund të interpretohet si njohje e gjuhës maqedonase nga ana e tyre”.
“Neve na intereson ajo që është në proces. Në këtë proces, ne jemi maqedonas me gjuhën maqedonase dhe shkrimin çirilik, kështu na janë drejtuar sot, me fjalën maqedonas. Zyrtarisht thonë se procesi i negociatave ka nisur. Është një deklaratë faktike, tha Bogoevski në emisionin “Samo Vistina”./Telegrafi/